Foto ann 2024/25 (La Plí)
Ince chësc ann anse fat ativitês desvalies cun les mitans y i mituns dla scora da La Pli. Al é gnü arjigné ca les festes tradizionales, fat escursciuns y lauré adüm a esperc te deplü ciamps co reverda la sanité, la natüra y le ambiënt inciaria.
Dessot valgünes descriziuns di proiec fac tratan l'ann.
Jan Moling
Le musizist Jan Moling é gnü te nosta scora a fá n proiet de percusciun cun dötes les classes. Vigne möt á podü se pastlené so pice strumont y sperimenté cun sonns plü desvalîs. Ala fin dl proiet él gnü fat na prejentaziun por i geniturs, olache vigne classe á porté dant so toch musical.
Dui clowns ti á fat na bela sorpreja ai scolars de cuarta cun la raprejentaziun de valgügn pici teatri da rí.
Hubert Tschaffert
Dër plajü á le proiet cun H.T. che á acompagné i scolars de 1. y 2. fora por n gröm de aventöres tl certl dles cater sajuns.
Evacuaziun
Do da plü agn él indo sté i stödafüch che é gnüs te scora a fá na gran proa d’evacuaziun cun düc sü injins. I scolars de scora y i mituns de scolina á mostré gran interes da podëi proé fora de vigne sort.
Sennes
La munt de Sennes ti á pité ai scolars de cuinta na beliscima esperionza da passé 2 dis amesa la natöra y te ütia, fajon de vigne sort de jüc y ativites de grup adöm a söes maestres. Podëi dormí deboriada te ütia è sambëgn sté le plü bel.
60 agn de Siur Klaus
I ân orü ti fá na beliscima sorpreja a Siur Klaus atira do la S.Mëssa sön plaza de scora, olache i ti ân cianté 2 cianties y fat deboriada cun ël n bal ligherzin.
Rorate
Sön proposta dal Consëi de Ploania anse por le pröm iade festejé n rorate les sis da doman, a chël che oramai düc i mituns á tut pert con ligrëza. La dlijia è gnüda iluminada dertan döta la mëssa da ciandëres y lomins. Do mëssa é ciamó düc stês deboriada pro n bun gosté.
Sport Stacking
I an albü ghest Elisabeth Messner, coordinadëssa dal proiet "Sport Stacking" olá che i mituns á podü proé fora cösta ativité, co á belo tröp suzes ti paisc todësc. Al se trata de en sport de velozité co vëgn soghé cun goti de plastica. L'obietiv dal jüch é da fá sö na piramida con i goti te na secuënza y la desfá endô jö, plü debota che ara vá. I mituns á fat para cun motivaziun y s'á dër proé da ester i plö asvelc. Al é en jüch co dëida la coordinaziun motoria y la conzentraziun.